Martes 18 de febreiro 2014 

Ummm …a que cheira?

Ola nenos e nenas!!

Hoxe é martes!!

Así que disfrutamos dun programa moi apetecible!!!

 Carlota, Daniel, Javi e Iria  de 5º A fomos os encargados de que a nosa radio cheirase moi ben!!

Umm...a que cheira?

Tamén os alumnos de 3ºB estiveron por aquí: Inés, Brais, Martina, Xian e Alexandra.

Hoxe falamos dos apicultores!!!

A apicultura é unha actividade agropecuaria que consiste na cría e explotación de abellas domésticas. En Europa a abella máis empregada é a do xénero Apis, con diferentes variantes rexionais.

O traballo do apicultor tense que adaptar ás variacións do paso das estacións. O traballo de primavera e verán é na colmea e durante o inverno no mantemento do material apícola, na prevención das pragas e na planificación do traballo primaveral.

E no noso programa de mentira ou verdade descubrimos que as pepitas das mazás conteñen cianuro!!

Ademais un poema titulado: 

“CANTAROLA DOS NENOS”

Amiguiños todos

amiguiños xa,

os nenos de aquí,

e os nenos de alá.

Os nenos do mundo

todos a cantar

a unha mesma voz

collidos da man.

Cantarola nosa

de amor e de paz

leda cantarola,

ledo rebuldar…

e a nosa RECEITA de cociña…

 ORELLAS DE ENTROIDO!!

Moi doada de facer...tomade nota:

Ingredentes:

500 gramos de fariña

1 ovo

200 centilitros de auga temperada  e con sal.

100 gramos de azucre

100 gramos de manteiga

Unha cullarada de levadura e anis.

 Xa temos os ingredentes pero...como os mesturamos??

1.- Mesturamos a fariña e a levadura.

2.- Facemos un buraco no centro e engadimos un ovo, o azucre e o anis xa mesturado xunto coa auga e a manteiga.

3.- Mesturamos e amasamos nunha mesa engadindo fariña ou agua se fai falta.

4.- Deixamos reposar.

5.- Despois estiramos a masa e cortamos anacos que fritiremos en abundante aceite quente.

 O rematar podemos adornalas con azucre glass.

 E finalmente ......unhas orellas de entroido para os mais larpeiros....!

Seguro que vos sae estupenda!!!